گهیځ
کابل-ګهیځ نیوز( د اسد/ زمري ۲۳ مه نېټه):
د راپورونو له مخې د لغمان یو شمېر اوسېدونکو له سرپرست حکومته غوښتي، چې د دغه ولایت د شاهي کانال پروژې چارې ژر تر ژره پيل کړي.
د دوی په وینا د تېر حکومت پرمهال د دغه کانال رغنیزې چارې پيل شوې وې، خو واک ته د سرپرست حکومت له رسېدو وروسته یې چارې په ټپه ودرېدې.
د اوبو او برېښنا وزارت سرپرست بیا په نږدې راتلونکي کې د دغه کانال د رغنیزو چارو له بیا پيله ډاډ ورکړی دی.
د لغمان شاهي کانال ۵۰ کیلو متره اوږدوالی لري، چې د دغه ولایت د الینګار ولسوالۍ له سندروایس سیمې پيلیږي او د مهترلام بابا په دښته کې پای ته رسیږي.
د لغمان د سیمه ییزو مسوولینو د معلوماتو له مخې د دغه ولایت د شاهي کانال په فعالیدو سره به ۱۱۰ زره جریبه ځمکه خړوبه او زرګونه کسانو ته به د کار زمینه برابره شي.
ـــــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/