گهیځ
کابل- ګهیځ نیوز( د مرغومي ۲۷مه ۱۴۰۱):
وروسته تر دې چې د ماشومانو د خوندیتوب موسسې په افغانستان کې خپل فعالیتونه بېرته پیل کړل، اوس د پاملرنې نړیواله موسسه یا Care international هم وايي چې په افغانستان کې خپل فعالیت بېرته پیلوي.
پاملرنې نړیواله موسسه وایې چې له حکومت څخه یې د ښځینه کارکونکو په اړه ډاډ تر لاسه کړی او غواړي په افغانستان کې تر ډېره د روغتیا او تغذیې په برخو کې خپل فعالیت بیا پیل کړي.
دا په داسې حال کې ده چې وړمه ورځ د ماشومانو د خوندیتوب نړیوالې موسسې یا Save the Children هم په افغانستان کې د روغتیا، تغذیې او پوهنې اړوند ځینو پروګرامونو د بیا پیلولو اعلان کړی و.
د پاملرنې موسسې په خپله یوه خبرپاڼه کې ویلي چې د افغانستان حکومت د عامې روغتیا له وزارت څخه یې کارځایونو ته د خپلو ښځینه کارکوونکو د خوندي او له محدودیت پرته تګ په تړاو ډاډ ترلاسه کړی دی.
په تېرو پرلپسې دوو ورځو کې دا دوهم نړیوال خیریه بنسټ دی چې د خپلو ښځینه کارکونکو د کار د دوام او خپلو ځینو ځنډولیو پروګرامونو د بیا پیل خبره کوي.
تېره ورځ د ماشومانو د خوندیتابه نړیوالې موسسې یا Save the Children هم په افغانستان کې د روغتیا، تغذیې او پوهنې اړوند ځینو پروګرامونو د بیا پیلولو اعلان کړی و.
پاملرنې موسسې پخپله خبرپاڼه کې لیکلي دي چې ددوی ښځینه کارمندانې ددوی د سازمان اړینه برخه ده او د هغوی له شتون پرته یې چارې پر مخ نه شي وړلای.
پاملرنې موسسې هیله مندې ښودلې چې په نادولتي موسسو کې د ښځو پر کار لګېدلی بندیز لغوه شي او زیاته کړې یې ده چې د داسې لارو چارو په لټه کې به وي چې ددوی کارمندان وکولای شي په ټولو برخو کې په ځانګړي ډول مېرمنو او نجونو ته ژوند ژغورونکي خدمتونه وړاندې کړي.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې لۀ خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/