گهیځ
ګهیځ نیوز: نن دوشنبه (د زمري/اسد ۱۰مه او د اګسټ میاشتې لومړۍ نېټه ده) کانونو او پټرولیم وزارت وايي، چې د چنګاښ میاشتې له ۳۰مې د زمري تر ۵مې نیټې یې ټولټال ۲۰۶ میلیونه ۶۷۰ زره او ۸۸ افغانۍ او ۳ میلیونه ۹۹ زره او ۹ سوه امريکايي ډالره عواید راټول کړي دي.
دغه وزارت ویلي، چې څه باندې ۲۰۰ میلیونه افغانۍ عواید یې د تېلو د سکټور او د نورو کانیزو پروژو له لارې ترلاسه کړي چې بې سارې دي.
د راپور له مخې تېره میاشت کې د کانونو له درکه ۱۸۴ میلیونه افغانۍ عواید ټول شوي.
