گهیځ
کابل-ګهیځ نیوز( د حمل / وري ۱۲مه نېټه):
د ګهیځ نیوز د خبر له مخې د اوبو او انرژۍ وزارت ویلي، چې د هلمند ولایت د کجکي بند د دوهم فاز پروژې د دوهمې برخې چارې چې د خدماتي پرچاوي جوړول، د دروازو نصبول او د اضطراري پرچاوي جوړول په کې شامل دي، ۱۰ سلنه بشپړې شوې دي.
یاد وزارت ویلي، د دې بند د لومړي او دوهم فاز د چارو په بشپړېدو سره به د یاد بند د اوبو زېرمه کولو وړتیا له یو میلیارد متر مکعب څخه ۲.۰۲ میلیارد متر مکعب ته او د اوبو لګولو وړتیا له ۱۰۰زره هکتارو څخه ۲ لکه ۷۶ زره هکتارو ته لوړه شي.
همدا راز د یاد بند د برېښنا د تولید کچه به هم له ۵۱ میګاواټو څخه ۱۵۱ میګاواټو ته پورته شي چې د چارو په بشپړېدو سره به یې د هلمند او کندهار ولایتونو اوسېدونکي له برېښنا څخه برخمن شي.
د کجکي بند د دوهم فاز پروژه د اوبو او انرژۍ وزارت له سترو پروژو څخه ګڼل کیږي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/