گهیځ
کابل-ګهیځ نیوز( د ثور/غویي ۱۳ نېټه):
د ګهیځ نیوز د خبر له مخې د کندهار په مهمند ۲ سوه بستریز روغتون کې د ترکیې څخه راغلي افغان جراح ډاکټر عبدالغفار غیور د ارثي پرې شونډو، پزه او تالو نښتو ناروغانو جراحي عملیاتونه پيل کړل، چې د مسوولینو په خبره دغه عملیاتونه د ډاکټر عبدالغفار غیور په مشرۍ د یوه ځانګړي متخصص ټیم له لوري په وړیا توګه ترسره کیږي.
د کندهار د عامي روغتیا ریاست مرستیال وویل، چې د عامې روغتیا ریاست له لوري موروثي پرې شونډې لسګونه کوچنيان لېست شوي، چې هره ورځ به د لسو کوچنیانو عملیات کیږي.
د مهمند نړیوال ۲ سوه بستریز روغتون مسوول حاجي محمد صدیق مهمند وايي، چې دا عملیاتونه به مخکي په ایران او پاکستان کي په لوړ لګښت کېدل، اوس په دغه روغتون کې په وړیا ترسره کیږي.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/