گهیځ
کابل-ګهیځ نیوز( د حمل / وری ۵ مه نېټه):
د ګهیځ نیوز د خبر له مخې خصوصي سکتور سره د برېښنا د تولید او ساختماني پروژو په برخه کې د شاوخوا څلور میلیارده افغانیو په ارزښت تړونونه لاسلیک شول.
د خبر پر بنسټ، په دې پروژو کې چې تړونونه یې لاسلیک شوي، د کابل د سروبي ولسوالۍ په نغلو بند کې د لمریزې برېښنا د تولید پروژه، چې د ۲۲ میګاواټه برېښنا د تولید ظرفیت لري، د ۷۷ ترکي او یوه داخلي شرکت له خوا په ګډه د ۱۸ میلیونه ډالرو په لګښت پلې کیږي.
د برېښنا شرکت مسوولین وايي، په دې بند کې تولید شوې برېښنا به د لومړيو شلو کلونو لپاره د برېښنا شرکت له لوري پېرل کیږي، چې وروسته به په فعاله بڼه د برېښنا شرکت ته وسپارل شي.
په ورته مهال په هرات کې د هاشمي پله سب سټېشن او د ۴۰ میګاه واټه برېښنا په ظرفیت د دوو نورو ګرځنده سب سټېشنونو د جوړولو پروژه او له نور الجهاد سب سټېشن څخه تر هاشمي پله پورې د ۲۲۰ کیلو واټه برېښنا د لېږد لین پروژې هم د ۲۴.۵میلیونه ډالرو په لګښت د دوه کورنیو شرکتونو له لوري جوړیږي.
پر دغو پروژو سربیره د ریاست الوزرا د اقتصادي مرستیال په شتون کې د یو شمېر نورو ساختماني پروژو تړونونه هم له ځینو کورنیو او بهرنیو شرکتونو سره لاسلیک شوي دي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/