گهیځ
کابل-ګهیځ نیوز( د قوس/ لیندۍ۲۲ نېټه):
د راپورونو له مخې د افغانستان سټنډرډ ملي ادارې د ایران د نفتي محصولاتو د ټولنې د رییس احمد معروف خاني هغه څرګندونې رد کړې چې ویلي یې وو، افغانستان په پولو کې د نفتو د کېفیت کتلو کومه وسیله نه لري او دوی د خپلو تعریفونو له مخې ځينې جوپې بېرته ایران ته راګرځوي.
یادې ادارې په یوه خپره کړې خبرپاڼه کې ویلي، د افغانستان سټنډرډ ملي اداره د هېواد په ټولو بندرونو کې د نفتي توکو فعال لابراتوارونه لري، چې د متخصصو کسانو له لوري کنټرولیږي.
خبرپاڼه کې ویل شوي، ټول هغه توکي چې د دې ادارې په معیار برابر نه وي، دوی به یې هېڅکله هېواد ته د واردولو اجازه ور نه کړي.
د دغې ادارې مسوولینو له ټولو ګاونډیو هېوادونو په ځانګړې توګه له ایران څخه غوښتۍ، چې د بې بنسټه نیوکو پرځای دې د خپلو صادراتي توکو کېفیت ته پاملرنه وکړي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/