گهیځ
کابل-ګهیځ نیوز( د میزان/ تلې ۵ مه نېټه):
د نړیوالو رسنیو د خبر له مخې د عراق په شمالي ښار حمدانیه کې د واده په مراسمو کې اورلګېدنه رامنځته شوې، چې تر دې مهاله په کې د ۱۱۵ کسانو د مړینې او ۲۰۰ کسانو د ټپي کېدو خبرونه تایید شوي دي.
همدا رنګه راپورونه وایي چې په مړیو کې زوم او ناوې هم شامل دې او په دغه اور لګېدنه کې چې تېره شپه رامنځته شوې، د سر زیان ترڅنګ یې مالي زیانونه هم اړولي دي.
حمدانیه ښار کې سیمه ییزو چارواکو ویلي، چې په پېښه کې ټپي شوي کسان د عراق بېلابېلو روغتونونو ته لېږدول شوي او دا مهال تر درملنې لاندې دي. روغتیایي چارواکو ویلي، چې د ځینو ټپیانو حالت نازک دی او له همدې امله ممکن د مړو شویو کسانو په شمېر کې زیاتوالی راشي.
تر اوسه د اورلګېدنې لامل نه دی څرګند، خو لومړني راپورونه ښيي چې دا پېښه د اور لوبو له امله رامنځته شوې ده.
په ورته وخت کې د عراق روغتیا وزارت ویلي، چې ټپیانو د چټکې درملنې لپاره یې اضافي امبولانسونه او پرسونل سیمې ته لېږلي دي.
د عراق لومړي وزیر ټولو اړونده ادارو ته امر کړی، چې د ټپیانو درملنې ته پر وخت رسېدنه او له زیانمنو شویو کسانو سره مرسته وکړي.
ویل کېږي چې د تلفاتو د ډېر والي یو لامل د واده پر ګډونوالو د هوټل د چت راغورځېدل دي.
ـــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳