گهیځ
کابل-ګهیځ نیوز( د اسد/ زمري ۳ مه نېټه):
د سټنډرډ ملي ادارې ویلي، ایران هېواد ته یې ۴۰ ټانکره نور بې کېفیته تېل بېرته مسترد کړي دي.
د یادې ادارې ویاند ویلي، دغه اندازه تېل چې د دې ادارې له سټنډرډونو سره یې مطابقت نه درلود، د فراه ولایت په ۷۸ میل بندر کې بېرته ایران ته مسترد شوي دي.
نوموړي زیاته کړې، چې په دې وروستیو کې سټنډرډ ملي ادارې په خورا جدیت د بې کېفیته تېلو د واردولو د مخنیوي لپاره عملي ګامونه پورته کړي.
د سټنډرډ ملي ادارې له ټولو سوداګرو څخه غوښتي، چې هېواد ته باکېفیته توکي وارد کړي، کنه نو له ورته چلند سره به مخ شي.
د یادونې وړ ده، چې یادې ادارې تر دې وړاندې هم هېواد ته د سلګونه ټانکره بې کېفیته نفتي توکو د راوارد کېدو د مخنیوي خبرونه ورکړي دي.
ـــــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/