گهیځ
کابل-ګهیځ نیوز( د اسد/ زمري ۷ مه نېټه):
د راپورونو پر بنسټ، تمه ده چې د قطر په پلازمېنه دوحه کې امریکایي پلاوی د افغانستان د سرپرست حکومت له پلاوي سره سبا او بل سبا خبرو ته کېني.
د راپورونو له مخې د قطر دغه غونډه کې به د سرپرست افغان حکومت پلاوی له امریکايي لوري سره د باور جوړونې پر اقداماتو خبرې وکړي.
د امریکایي پلاوي مشري به د افغانستان لپاره د امریکا ځانګړی استازی ټوماس ویسټ او د افغان ښځو او بشري حقونو لپاره ځانګړې استازې رینا امیري کوي.
د امریکا د بهرنیو چارو وزارت په خبرپاڼه کې راغلي، چې امریکایي پلاوی به د سرپرست حکومت له استازو سره د افغانستان اړوندو مهمو مسایلو باندې خبرې وکړي.
قطر کې د سرپرست حکومت د سیاسي دفتر مشر وايي، دغه غونډه به دوه ورځې دوام وکړي، چې په کې به د دواړو خواو د علاقې وړ موضوعاتو باندې خبرې وشي.
نوموړی وايي، په دې غونډه کې به په افغانستان کې اقتصادي ثبات، د نشه یي توکو مخنیوی، د بانکي زېرمو خلاصون او یو لړ نور د اعتماد جوړونې اقدامات شامل وي.
ـــــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/