گهیځ
کابل-ګهیځ نیوز(د وږی/سنبله ۲۸ مه نېټه)
د ګهیځ نیوز د خبر له مخې نړیوالو رسنیو راپور ورکړی، چې لبنان کې د مخابراتي توکو د چاودنې له امله د حـ زب الله ۹ کسان وژل شوي او د ایران د سفیر په ګډون ۲۷۵۰ کسان نور ټپیان دي.
د لبنان د روغتیا وزیر په وینا پېښه د لبنان په جنوب الضاحیة سیمه کې د مخابراتي توکو د چاودنې له امله شوې، چې په کې نهه تنه وژل شوي هم دي.
په بیروت کې د ایران سفارت هم اعلان وکړ چې په لبنان کې د ایران سفیر، مجتبى أماني، په سطحي ډول ټپي شوی خو روغتیایي حالت یې ښه دی.
بل لور د اسراییلو ۱۲ تلوېزیوني چېنل خبر ورکړی، چې د لومړي وزیر بنیامین نتنياهو یو جګپوړي سلاکار په یو ټویټ کې اشاره کړې، چې اسراییل په لبنان کې د مخابراتي وسایلو د چاودنو تر شا لاس لري.
رسنیو د اسراییلي سرچینو له قوله راپور ورکړی، چې د اسراییلو امنیتي ادارې باور لري چې حـ زب الله د اسراییل پر ضد د پوځي عملیاتو د پيلولو پلان لري.
همدارنګه، اسراییل ټوډی د یوې امنیتي سرچینې په حواله ویلي چې په تېرو ساعتونو کې د حـ زب الله سره د جګړې د احتمال په اړه شدیدې امنیتي سلا مشورې روانې دي.
دغو رسنیو ته سرچینو ویلي، چې له حـ زب الله سره د اسراییلو کړکېچ خورا لوړې کچې ته رسېدلی دی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/