گهیځ
ګهیځ نیوز: نن چهارشنبه (د وږي/سنبلې ۱۶مه او د سپټمبر میاشتې ۷مه نېټه ده) ټاکل شوې د ملګرو ملتونو په ویانا کې د افغان حکومت د مخالفو سیاستوالو غونډه جوړه شي خو ا.ا یې بې ګټې بولي.
د افغانستان د بهرنیو چازو وزیر مولوي امیرخان متقي د دې غونډې ته د خپل وزارت د یو کلني راپور د وړاندې کولو پر مهال، په غبرګون کې وویل، چې دغه ډول غونډې هېڅ ځای نه نیسي او نه هم کومه ګټه لري.
دغه غونډه د روانې میلادي میاشتې په ۱۵مه جوړېږي او په هغه کې تر ډېره د اوسني حکومت مخالفین حضور لري.
د رسنیو د راپورونو په اساس دوی به د افغانستان پر روان وضعیت او راتلونکې خبرې وکړي.
احمد مسعود، رحمت الله نبیل، داکټر رنګین دادفر سپنتا او ځینې نورې مشهورې څېرې د دې غونډې ګډونوال دي.
تر اوسه ملګرو ملتونو په دې اړه وضاحت نه دی ورکړی چې ولې د داسې غونډې کوربه توب کوي، امیرخان متقي په ټينګار سره و ویل، چې دا ډول غونډې دوی ته کوم اهمیت نه لري او نه هم کومه ګټه لري.