گهیځ
کابل-ګهیځ نیوز(د وږی/سنبله ۲۹ مه نېټه)
د ګهیځ نیوز د خبر له مخې د ملګرو متلونو په عمومي اسمبلۍ کې د فلسطین په اړه د هغه پرېکړه لیک په کلکه ملاتړ وشو، چې د یو کال په موده کې به اسراییل له غزې او لوېدیځې غاړې څخه خپل پوځیان وباسي.
د خبر پر بنسټ، د ملګرو ملتونو د عمومي اسمبلۍ له ۱۹۳ غړیو څخه ۱۲۴ هېوادونو دې پرېکړه لیک ته چې الزامي نه دی مثبتې، ۱۴ مخالفې او ۴۳ ممتنع رایي ورکړې.
د مخالفانو په ډله کې د امریکا متحد ایالتونه وو چې د اسراییل نږدې متحد دی.
په ملګرو ملتونو کې د فلسطین استازي ریاض منصور دغه رایه د خپل ولس د ازادۍ او عدالت لپاره د مبارزې په برخه کې د عطف نقطه وبلله.
په پرېکړه لیک کې د فلسطنیانو له ټولو سیمو د اسراییلي ځواکونو د وتلو ترڅنګ دا غوښتنه هم شوې، چې په فلسطیني اشغالي سیمو کې دې د اسراییلیانو جوړ شوي مېشت ځایونه هم تخلیه شي.
د پرېکړه لیک له مخې که چېرته اسراییل ټینګار کوي، باید پر چارواکو یې بندیزونه ولګول شي او اسراییلو ته د وسلو صادرات هم باید ودرول شي.
د دې سربېره پرېکړه لیک کې له اسراییلو څخه غوښتنه شوې، چې د اشغال له امله فلسطنیانو ته د اوښتو زیانونو خساره هم ورکړي.
دا پرېکړه لیک پرون په داسې وخت کې تصویب شو، چې په غزه کې اسراییلي اشغالګرو د یو کال راهیسې پر بې دفاع ولسي وګړو خپلو بریدونو ته زور ورکړی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/