گهیځ
ملګرو ملتونه په دغه سازمان کې د افغانستان څوکۍ اسلامي امارت ته و نه سپارله.
ګهیځ: نن پنجشنبه (د لیندۍ ۱۱مه) د خپرو شوو راپورونو له مخې په ملګرو ملتونو کې د باور ورکولو کمېټې پرېکړه کړې چې د اوس لپاره په دغه سازمان کې د افغانستان څوکۍ اسلامي امارت ته و نه سپاري.
په یاده کمېټه کې د روسیې، چین او امریکا استازي شامل دي او دوی د دغه دایمي استازو د څوکیو په اړه پرېکړه کړې ده.
ملګرو ملتونو د افغانستان تر څنګ د میانمار پوځي حکومت ته هم د دوی د دایمي څوکۍ له ورکړې ډډه کړې ده.
دا راپورونه داسې مهال خپرېږي، چې افغان لوري د دغه څوکۍ په ترلاسه کولو کې له روسیې مرسته غوښتې وه.
سهیل شاهین ویلي وو، له روسیې غواړي چې افغانستان ته په ملګرو ملتونو کې د دایمي څوکۍ د سپارلو په برخه کې همکاري وکړي.