گهیځ
کابل-ګهیځ نیوز( د ثور ۳۱مه نېټه):
د ګهیځ نیوز د خبر له مخې د ملګرو ملتونو د بشري چارو د همغږۍ دفتر یا (OCHA) او د روغتیا نړیوال سازمان (WHO) جینیوا کې د یوې خبري ناستې پرمهال غزې تړانګې ته د مرستو د رسولو لپاره د ځمکنیو لارو د پرانیستلو غوښتنه کړې.
د همغږۍ دفتر (OCHA) ویاند جینس لایرک په دې ناسته کې ویلي، چې دفتر یې په هره طریقه د غزې تړانګې ته د ټولو مرستو هرکلی کوي، خو بیا هم په دې باور دي چې ځمکنۍ لارې تر ټولو ورته مهمې دي.
د دوی په وینا دا غوره ده چې د ځمکنیو لارو څخه د کار په اخیستو مرستې په مستقیم ډول د اړتیا وړ ځای ته ورسیږي.
همداراز د روغتیا نړیوال سازمان ویاند طارق جاسرویچ په یوه خبري غونډه کې وویل، د مې له شپږمې راهیسې چې اسراییلي اشغالګرو د رفح پر ضد پوځي عملیات پیل کړي، د رفح له لارې د غزې تړانګې ته د طبي وسایلو د ننوتلو اجازه نه ده ورکړې، ځکه چې د غزې تړانګې په اوږدو کې د اسراییلو پوځ کنټرول لري.
هغه دا هم وویل، چې د رفح لارې تړلو په غزه کې د بشردوستانه کارکوونکو لپاره حالات او کارونه ستونزمن کړي دي.
هغه زیاته کړه چې د طبي توکو او سون موادو نشتوالی د غزې خلکو او د غزې طبي سیسټم چې دمخه د پایښت وړ نه و، ډېر خطرونه رامنځته کړي دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/