گهیځ
د ناټو د بهرنیو چارو وزیران به نن په غونډه کې د نورو مسایلو ترڅنګ د افغانستان په اړه هم خبرې وکړي.
ګهیځ: نن سې شنبه (د لیندۍ ۹مه) د ناټو په دوه ورځنۍ غونډه کې، چې د لتویا په پلازمېنه ریګا کې جوړیږي، د امریکا د بهرنیو چارو وزیر انټوني بلېنکن هم ګډون کوي.
د امریکا د بهرنیو چارو وزارت ویلي چې بلېنکن تېره شپه د ریګا په لور سفر پیل کړی دی.
د ناټو سرمنشي ینس سټولټنبرګ څرګنده کړې چې په افغانستان کې د پخواني حکومت او د دې هېواد د وسله والو ځواکونو د تس و نس کېدو په اړه یې یوه هر اړخیزه څېړنه پیل کړې ترڅو له درسونو یې دا تړون په راتلونکې کې کار واخلي.
د ناټو ماموریت په افغانستان کې له ۲۰۱۴ میلادي کال وروسته د افغان ځواکونو پر رزونې، ملاتړ او هغوی ته په سلا او مشوره ورکولو ورټول و، چې د روان کال د اګسټ په ۳۱مه نېټه پای ته ورسېد.