ننګرهار کې ۱۵۰ ټنه بې کېفیته غوړي یوې فابریکې ته د صابن جوړولو لپاره وسپارل شول کابل-ګهیځ نیوز( د اسد/ زمري ۳۱ مه نېټه): د ګهیځ نیوز د خبر له مخې د خوړو او درملو ملي ادارې ویلي، ننګرهار کې یې ۱۵۰ ټنه بې کېفیته غوړي د صابون جوړولو یوې فابریکې ته سپارلي دي. د خبر پر بنسټ، د دغې ادارې ویاند جاوید هژیر ویلي، چې دغه بې کېفیته غوړي یې د ننګرهار په ګمرک کې ضبط کړي وو، چې د ننګرهار ولایت د اړوندو ادارو د استازو په شتون کې د صابون جوړونې یوې فابریکې ته ورکړل شول. که څه هم دغې ادارې دا نه ده په ډاګه کړې، چې دا بې کېفیته غوړي چېرته تولید شوي وو، خو د ننګرهار له ګمرکه تر ډېره د پاکستان تولیدي توکي افغانستان ته راځي. د خوړو او درملو ادارې زیاته کړې، د دوی لابراتوارونو مشخصه کړې چې له دغو بې کېفیته غوړیو استفاده د انسان وجود ته زیان اړوي. ـــــــــــــــــــــــ ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي. ګهیځ نیوز، د اطلاع رسونې باوري سرچینه زموږ خبري ادرسونه👇 Telegram: https://t.me/+Vy9GsPl90MY3NjVl twitter: https://twitter.com/GaheezAgency Web: https://www.gaheez.af/ FB page: https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/