هرات کې د درملو جوړولو کارخونې د ۱۳۰ ډوله درملو تولید ته رسېدلي

کابل-ګهیځ نیوز(د سلواغې / دلو ۸ مه نېټه)

د ګهیځ نیوز د خبر له مخې هرات کې د درمل جوړولو یوې کارخونې مسوول ویلي، چې دوی تر اوسه د افغانستان د اړتیا وړ ۱۳۰ ډوله درمل تولید کړي دي.

د نوموړي په وینا، په دغو درملو کې جامد، مایع او تزریقي درمل شامل دي، چې د هېواد ټولو ولایتونو ته استول کیږي.

د مسوولینو په خبره، یاده کارخونه چې په ۱۳۹۰ لمریز کال کې جوړه شوې، اوس مهال ۱۰۰ کسانو ته په کې د کار زمینه برابره ده.

په ورته وخت کې د هرات د درمل پلورلو ټولنې مسوولین وایي، دې ولایت کې د درملو د تولید ۱۵ کارخونې فعالیت کوي.

د دوی په وینا، که د دغو کارخونو فعالیتونه پراخ شي، نو تمه کیږي چې د هېواد ۳۰ سلنه د درملو اړتیاوې پوره کړي.

ـــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/