گهیځ
کابل-ګهیځ نیوز( د قوس/ لیندۍ ۱۹ نېټه):
د راپورونو له مخې کورنیو چارو وزارت کې له نشه يي توکو سره د مبارزې معینیت وايي، د سرپرست حکومت له واکمنېدو راهیسې هېواد کې نږدې یو لک روږدي کسان راټول شوي او د درملنې مرکزونو ته معرفي شوي دي.
د راپور پر بنسټ، د دغه معینیت د دفتر رییس زیاتوي، ځينې دغه روږدي کسان تر درملنې لاندې دي او ځیني يې له درملنې وروسته په مسلکي زده کړو بوخت دي.
په ورته مهال، له نشه يي توکو ځینې روغ شوي کسان چې مسلکي زده کړې کوي وايي، خوښ دي چې درملنه يې شوې او له سرپرست حکومت غواړي چې د هېواد د ټولو روږدو کسانو درملنه وکړي.
د دوی په خبره، په خیاطۍ، نجارۍ، د موبایل جوړولو او نورو بېلابېلو مسلکونو کې يې ښې زده کړې کړې دي.
کورنیو چارو وزارت کې له نشه يي توکو سره د مبارزې معینیت وایي، په پام کې لري چې په راتلونکي کې د هېواد په لسو زونونو کې د روږدو کسانو د درملنې لپاره لس مرکزونه جوړ کړي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/