گهیځ
کابل-ګهیځ نیوز( د قوس/ لیندۍ ۲ نېټه):
د پاکستاني رسنیو د خبر له مخې د دغه هېواد د بلوجستان ایالت د سیمه ییز حکومت د اطلاعاتو وزیر جان اڅکزي ویلي، چې ټول بې اسناده افغان کډوال باید تر راتلونکې جنورۍ میاشتې پورې له پاکستانه وایستل شي.
نوموړي د یو خبري کنفرانس پرمهال زیاته کړې، چې افغانستان کې جګړه ختمه شوې، نو په کار ده چې ټول افغان کډوال له پاکستانه خپل هېواد ته ستانه شي.
نوموړي ویلي، چې د بې اسناده کډوالو تر وېستلو وروسته به د اسناد لرونکو افغان کډوالو وېستلو نوملړ هم اعلان کړل شي.
د پاکستان حکومت د شمېرو له مخې دغه هېواد کې شاوخوا ۴،۴ میلیونه افغان کډوال اوسي، چې ۱،۷ میلیونه ترې غیرقانوني کډوال بلل شوي دي.
پاکستان د روانې نومبر میاشتې له لومړۍ څخه تر دا مهاله د تورخم او چمن له لارې ۴ لکو څخه زیات افغان کډوال په جبر افغانستان ته ستانه کړي دي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/