گهیځ
ګهیځ نیوز: نن چهارشنبه (د وږي/سنبله دوهمه او د اګسټ میاشتې ۲۴مه نېټه ده) د هېواد پخواني ولسمشر حامد کرزي په افغانستان کې د ملګرو ملتونو د سرمنشي د ځانګړي استازي له سیاسي مرستیال او د یوناما له سرپرست مارکس پوتزل سره ولیدل.
دا کتنه بېګاه مازیګر شوې.
د حامد کرزي مطبوعاتي دفتر وایي، په دې لیدنه کې دواړو خواوو د افغانستان او سیمې د روانو حالاتو تر څنګ د نجونو ښوونځیو پر بیا پیل خبرې وکړې او په هېواد کې یې د تلپاتې سولې او ثبات د ټینګښت لپاره د بین الافغاني مذاکراتو پر اړتیا ټینګار وکړ.
