گهیځ
کابل/ګهیځ: نن سې شنبه (د لړم/عقرب درېیمه او د اکتوبر میاشتې ۲۵مه نېټه ده) د اطلاعاتو او کلتور وزارت د خپرنیزو چارو مرستیال مهاجر فراهي ویلي، د روږدو کسانو د درملنې په موخه د جوړېدونکي روغتون چارې ۹۰ سلنه بشپړې شوي.
هغه خبر ورکړی، چې تر یوې میاشتې دننه به په کې د رږدو کسانو ځای پر ځای کول او درملنه پیل شي.
د هغه په خبره په دې مرکز کې به د ناروغانو لپاره د درملنې ترڅنګ د بېلابېلو مهارتونو د روزنې امکانات برابر شي او هم به ورته دیني او عقیدوي زده کړې ورکړل شي.
د احصایوي معلوماتو پر بنسټ، دا مهال په افغانستان کې د په نشه د روږدو کسانو شمېر شاوخوا درې میلیونه کسانو ته رسېږي چې ښځې او ماشومان هم په کې شامل دي.
