گهیځ
ګهیځ نیوز: نن پنجشنبه (د غبرګولي یا جوزا ۱۲مه او د جون میاشتې دوهمه نېټه ده) د ا.ا امارت له راتګ وروسته له افغانستان سره د بشري مرستو په لړ کې یوازې څه کم ۹۰۰ میلونه ډالره نغدي مرستې شوي دي.
باختر دولتي خبري اژانس د افغانستان بانک د ویاند محمد صابر مومند له قوله ویلي، چې تر اوسه پورې دا مرستې ۸۸۹ میلیون او ۶۰۰ زره ډالرو ته رسېږي.
ښاغلي مومند د دغو بشري مرستو د ستاینې په څنګ کې وویل چې د افغانستان بانک پر نړیوالې ټولنې غږ کوي چې له افغانانو سره په نورو برخو کې مرسته وکړي.
