گهیځ
ګهیځ نیوز: نن یکشنبه (د وري ۷مه او د مارچ ۲۷مه نېټه ده) د افغانستان د اسلامي امارت حکومت د اوبو او انرژۍ وزیر وايي، چې د افغانستان پر درې لویو بندونو رغنیز کار پیل شوی.
د باختر دولتي خبري اژانس د راپور له مخې د اوبو او انرژۍ سرپرست وزیر ملا عبداللطیف منصور د اوبو د نړیوالې ورځې په تړاو په کابل کې یوې جوړې شوې غونډې ته په وینا کې وویل د کجکي، شاه و عروس او کمال خان پر بندونو کار بیا پیل شوی دی.
اژانس د نوموړي له قوله زیاتوي چې وايي، هڅې روانې دي چې د څو نورو پروژو د رغونې چارې هم پیل شي.
