گهیځ
د ايران له خوا د افغانستان او ايران لپاره د سوداګرۍ ګډې خونې د افغانستان اسلامي امارت له چارواکو غوښتي چې په دغه هېواد کې د کانونو د کيندنې اجازه ورکړي.
ګهیڅ: د یادې خونې مشر حسين سليمي تېره ورځ جمعه (د لیندۍ ۵مه) د ترکېې اناتولي خبري ته ويلي، د تهران او طالبانو وروستيو ناستو ته په کتو سره ايراني چارواکو له دوی غوښتي، څو د کانونو د کيندنې په برخه کې ايراني انجنيرانو ته د کار زمينه برابر کړي.
د نوموړي په خبره، له دې لارې به د دواړو هېوادونه سوداګريزې اړيکې د پخوا په څېر غښتلې شي.
دغه راز د ايران له خوا د افغانستان او ایران د سوداګرۍ ګډې خونې چارواکو زياته کړې، چې ايران له افغانستان سره ګډه پوله لري او د دواړو هېوادونو ګټې کولی شي د سيمې په ګټه هم وي.
د خونې د چارواکو له قوله ويل شوي چې افغان چارواکو تر دا مهاله کوم مثبت ځواب نه دی ورکړی خو هېلې شته چې دواړه لوري يوې پايلې ته ورسېږي.