گهیځ
کابل-ګهیځ نیوز(د کب/ حوت ۲۶ مه نېټه)
د ګهیځ نیوز د خبر له مخې تېره ورځ مازیګر د پېښور اورمړو تاڼې ميره کچوړي سیمې په جومات کې د چاودنې له امله مشهور دیني عالم مفتي محمد منیر شاکر او څلور نور کسان سخت ټپیان شول، چې وروسته نوموړي عالم د سختو ټپونو له امله روغتون کې ساه ورکړه.
مفتي منیر شاکر د پاکستان پر اوسني حکومت د تندو نیوکو له امله مشهور و او څه موده وړاندې یې د پښتون ژغورنې غورځنګ له خوا په جوړه شوې ستره جرګه کې د پاکستاني واکمنانو پر پالیسو سخت انتقادونه وکړل.
د نوموړي پر مړینې ډېری پښتنو ژوره خواشیني څرګنده کړې، هغه یې افغان پرست عالم بللی او وژنه یې د پښتون قام لویه ضایعه ګڼلې ده.
مفتي شاکر د لشکر اسلام په نوم د یو تحریک بنسټ ایښی و چې یاد تحریک یې هم د پاکستان حکومت لخوا ممنوع اعلان شوی و.
د سیاسي او امنیتي چارو شنونکي باور لري، چې پاکستاني ریاست وروستیو کې دیني عالمان او سیاسي مخالفین په مرموز ډول هدف ګرځوي او له منځه یې وړي.
ټاکل شوې چې د نوموړي جنازه نن یکشنبه مازیګر درې بجې د حیات آباد په باغ ناران سیمه کې ادا شي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/