گهیځ
کابل-ګهیځ نیوز(د تلي/ میزان ۱۰ مه نېټه)
د ګهیځ نیوز د خبر له مخې د افغان حکومت مرکزي ویاند ویلي، چې بلوچستان کې د داعـ.ـشي خوارجو ډلې څخه د استخباراتي کړیو لپاره ګټه اخیستل د سیمې د بې ثباته کولو په معنا ده.
مجاهد له بي بي سي راډیو سره په مرکه کې د پاکستان له حکومته غوښتي، چې ژر تر ژره دې بلوچستان کې د دې ډلې د مرکزونو پر وړاندې اقدام وکړي.
نوموړي ویلي، کابل، بامیانو او دایکندي کې د وروستیو پېښو عاملانو تر نیول کېدو وروسته د دوی څېړنو وښوده، چې دغه کسان د ډیورڼد فرضي کرښې له هغې غاړې بلوچستان څخه افغانستان ته راغلي دي.
مجاهد د پاکستان بلوچستان کې د دغو ډلو پټنځایونو او روزنیزو مرکزونو ته په اشارې ویلي، دا ډول فعالیتونه او د سیمې بې ثباته کول د هېچا په ګټه نه دي، چې باید مخنیوی یې وشي.
پاکستاني لوري لا تر دې دمه د مجاهد د دغو څرګندونو په غبرګون کې څه نه دي ویلي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/