گهیځ
ګهیځ نیوز: نن پنجشنبه (د چنګاښ ۱۶مه او د جولای میاشتې ۷مه نېټه ده) افغانستان دفاع وزیر مولوي محمد یعقوب مجاهد په دوحه کې د قطر له امیر تمیم بن حمد ال ثاني سره وکتل.
د افغانستان د ملي دفاع وزارت وایي، چې مولوي محمد يعقوب مجاهد او ورسره مل پلاوی قطر ته د رسمي سفر په ترڅ له امیر شیخ تمیم به حمد آل ثاني او د یاد هیواد د دفاع وزیر ډاکتر خالد بن محمد العطیه سره په دیوان امیري کې لیدنه کړې ده.
مجاهد د قطر د حکومت په بلنه دغه هېواد ته تللی دی.
د ملي دفاع د وزارت د بیان له مخې په دې ناسته کې محمد یعقوب د افغانستان خلکو سره د قطر له مرستو مننه کړې او د یادو مرستو پر دوام یې تینګار کړی.
دغه راز د دواړو هېوادونو تر منځ پر دوستانه اړیکو او نورو مسایلو هم خبرې شوې دي.