گهیځ
ګهیځ نیوز: نن دوشنبه (د زمري/اسد ۳۱مه او د اګسټ میاشتې ۲۲مه نېټه ده) رویټرز خبري اژانس د خپلو سرچینو له قوله راپور ورکړی چې د بایډن اداره د ا.ا له چارواکو سره د افغانستان د کنګل شوې پانګې د ازادېدو په اړه ځنډول شوې خبرې بېرته پیلوي.
یاد خبري اژانس په دې اړه نور معلومات نه دي ورکړي چې دا خبرې به کله پیلیږي.
تر دې وړاندې وال سټریټ ژورنال په خپل راپور ویلي و چې امریکا په افغانستان کې د ایمن الظواهري تر وژل کېدو وروسته له دغه هېواد سره د کنګل شوې پانګې د ازادېدو په اړه خبرې درولې دي.
