گهیځ
ګهیځ نیوز: نن سې شنبه (د زمري/اسد ۸مه او د اګسټ میاشتې ۳۰مه نېټه ده) د کډوالو نړیوال سازمان یوه پلاوي له افغانستانه د لیدنې پر مهال ویلي چې په افغانستان کې د کډوالۍ او کورني بې ځایه شویو په برخو کې خپلو مرستو ته دوام ورکوي.
د دې سازمان دمرستیالې مېرمن دانیلز په مشرۍ دغه پلاوي د یکشنبې په ورځ په کابل کې د ا.ا د حکومت له ځینو چارواکو په ځانګړي ډول بهرنیو چارو سرپرست وزیر امیر خان متقي سره لیدلي دي.
دانیلز ویلي چې په افغانستان ته يې د سفر پر مهال د کورني بې ځایه شویو وضعیت له نږدې کتلی او په دې برخه کې به د مرستو د جلبولو هڅې وکړي.
د کډوالو د نړیوال سازمان دې پلاوي په داسې حال کې له افغانستانه لیدنه کړې چې په تېر یو کال کې په کور دننه سلګونه کسانو د فقر او بې وزلۍ له لاسه خپلې اصلي مېنې پرېښي، دغه شان جنګ جګړې او طبیعې افتونه نور هغه څه وو چې په افغانستان کې د کورني بې ځایه کېدو لامل شول.
د ملګرو ملتونو په ګډون بېلابېل نړیوال بشري مرسته کوونکي بنسټونه له کلونو راهیسې په افغانستان کې فعالیت کوي.