ګهیځ: نن سې شنبه (د کب ۳مه نېټه) ټاکل شوې چې د ازبکستان پلازمېنه تاشکند کې نن د افغانستان په تړاو غونډه وشي.
د افغانستان لپاره د اروپايي ټولنې ځانګړي استازي توماس نېکلسن ویلي، دې غونډه کې د منځنۍ اسیا لپاره د اروپايي ټولنې ځانکړې استازې ترهي هکالا او یو شمېر نور ځانګړي استازي او ډیپلوماټان ګډون کوي.
د نیکلسن د پرونیو ټويټونو له مخې تمه ده د تاشکند په کوربه توب دې ناسته کې د منځنۍ اسیا لپاره د افغانستان په اهمیت باندې بحث وشي.
هغه زیاته کړې دې پوښتنې ته هم حل لارې لټول کېږي چې اروپايي ټولنه څنګه د یوه رغنده متحد په توګه همکاري کولای شي؟
![](https://www.gaheez.af/wp-content/uploads/2022/02/با-لوگو-افقی6-660x330.jpg)