گهیځ
ګهیځ نیوز: امروز دوشنبه (تاریخ ۱۷ماه اسد که با ۸ ماه اګسټ مصادف میباشد) وزارت دفاع بار دیگر از تاجیکستان و ازبکستان خواسته است که چرخبال های دولت پیشین افغانستان را که در هنگام سقوط جمهوریت به این کشورها برده شده اند به حکومت ا.ا برگردانند.
پیش از این امریکا اعلام کرده بود که هواپیماهای نظامی جمهوریت را به ا.ا نخواهد داد اما اکنون وزارت دفاع هشدار میدهد که به زودی و از هر راه ممکن این هواپیماها را بدست خواهند آورد.
عنایت الله خوارزمی، سخنگوی وزارت دفاع، گفت:«سرمایه مردم افغانستان است چرخبال‌ها، برگردانند به وضعیت حاکم و دولت حاکم، به وزارت دفاع که مربوط وزارت دفاع میباشد، باید برگردانند ولی تاهنوز نداده اند البته ملاحظات خود را دارند ولی این واقعیت است که این مربوط مردم افغانستان می‌شود که در ازبیکستان و تاجیکستان است هر وقت که باشد این‌ها گرفته می‌شوند و حساب می‌شوند.»
پیش از این ا.ا تایید کرده است که بیش از چهل چرخبال افغانستان در هنگام سقوط دولت پیشیان از سوی نظامیان حکومت پیشین به تاجیکستان و ازبیکستان منتقل شده اند و از این کشورها همواره خواسته است که این چرخبال ها را به افغانستان بسپارند.