گهیځ
کابل-ګهیځ نیوز(د سرطان ۵مه نېټه)
د ګهیځ نیوز د خبر له مخې د اردن لومړي وزیر مرستیال او د بهرنیو چارو وزیر ایمن حسین عبدالله الصفادي په غزې تړانګه کې د اسراییلو د بریدونو د سمدستي بندولو غوښتنه وکړه.
الصفادي دغه غوښتنه د جرمني د مرکزي پارلمان له مرستیال ایدان اوزوګز سره د کتنې پر مهال وکړه، چې دواړو چارواکو په غزه کې د اوربند او په سیمه کې د بشري ناورین د کمولو په اړه خبرې کولې.
دواړو مشرانو د غزې د تړانګې ټولو برخو ته د اوږدمهاله بشري مرستو رسولو او ډاډ ترلاسه کولو په برخه کې د همکارۍ لپاره په خپلو ژمنو ټینګار وکړ.
عبدالله الصفادي ویلي، نړیواله ټولنه باید د غزې په تړانګه د اسراییلو د حملو د بندولو او د نړیوالو قوانینو او بشردوستانه قوانینو د سرغړونو د بندولو لپاره په چټکۍ سره اقدام وکړي.
نوموړي خبرداری ورکړی، چې د غزې په تړانګه کې بشري ناورین ترینګلی دی او بېړنۍ پاملرنې ته اړتیا لري.
د اسراییلو د یرغل شاوخوا اته میاشتې کیږي، چې د غزې پراخې سیمې د خوراکي توکو، پاکو اوبو او درملو د بندون او نشتون په ترڅ کې ویجاړې شوې او تر ۳۷ زرو څخه زیات فلسطیني وګړي په کې وژل شوي دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/