گهیځ
کابل-ګهیځ نیوز(د کب/ حوت ۱۹ مه نېټه)
د ګهیځ نیوز د خبر له مخې رویټر خبري آژانس راپور ورکړی، چې د فرانسې، اېټالیا، جرمني او برېټانیا د بهرنیو چارو وزیرانو د غزې د بیارغونې لپاره د ۵۳ میلیارده ډالرو عربي طرحې ملاتړ اعلان کړی.
د راپور په اساس دغو څلورو اروپايي هېوادونو په یوې ګډې اعلامیې کې ویلي، چې دا طرحه د غزې د ویجاړیو د رغولو لپاره یوازینۍ واقعي لار ده او کولی شي، چې جګړه ځپلو فلسطینیانو ته هیله بښونکې راتلونکې جوړه کړي.
دا طرحه د مصر په نوښت وړاندې شوې، چې عربي هېوادونو مشرانو تایید کړې، خو اسراییل او امریکا بیا رد کړې ده.
د عربي هېوادونو د طرحې ملاتړ داسې مهال کیږي، چې غزه کې د اسراییلي اشغالګرو د بریدونو له امله په لکونو کورنۍ بې ځایه شوي او د سیمې ثبات له جدي ګواښونو سره مخ شوی دی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/