گهیځ
کابل-ګهیځ نیوز(د وری/ حمل ۱۶ مه نېټه)
د اروپایي اتحادیې او منځنۍ آسیا ټینګار پر دې دی چې باید په افغانستان کې یوه ټولشموله حکومت جوړ شي.
د اروپایي اتحادیې او منځنۍ آسیا د غړو هېوادونو د مشرانو لومړۍ ګډه ناسته، چې پرون (جمعه، د وري ۱۵مه) د ازبکستان د ولسمشر په کوربتوب د سمرقند په ښار کې ترسره شوه، ګډونوالو پکې د افغانستان د یوه ټولشموله حکومت پر جوړېدو ټینګار وکړ.
د دې ناستې په ګډ پایبیانیه کې راغلي، چې د دواړو سیمو غړي هېوادونه د افغانستان له خلکو ملاتړ ته دوام ورکوي او ټینګار کوي چې باید داسې یو حکومت رامنځته شي چې د ښځو، نجونو، قومي او مذهبي اقلیتونو حقونه پکې خوندي وي، له ګاونډیو هېوادونو سره سولهیزې اړیکې ولري او خپلو نړیوالو ژمنو ته ژمن پاتې شي.
د ازبکستان ولسمشر، شوکت میرضیایف، د افغانستان د سیمهییزو بدلونونو په برخه کې د مهم رول یادونه وکړه او دا یې وویل چې نړیواله ټولنه باید له افغانستان څخه متوجه ګواښونه بېاهمیته ونه ګڼي. هغه همداراز غوښتنه وکړه چې نړیواله ټولنه دې له افغانستان سره پر مثبته تعامل ملاتړ وکړي.
د اروپایي شورا مشر، انتونیو کوستا، هم په دې ناسته کې وویل چې منځنۍ آسیا د افغانستان له لورې متوجه ګواښونو سره د مقابلې پراخ تجربه لري، او زیاته یې کړه: «موږ د ګډې همکارۍ له لارې کولای شو سیمه کې ثبات او ارامي وساتو.»
په بیانیه کې همداراز پر دې ټینګار شوی، چې ښځې او نجونې باید د نړیوالو معیارونو مطابق زدهکړو ته لاسرسی ولري، او د دې په برخه کې د اروپایي اتحادیې او منځنۍ آسیا د ځانګړو استازو ترمنځ د خبرو اترو دوام ته هرکلی ویل شوی.
همداراز، د دغې ناستې ګډونوالو د ترمز د ترانسپورتي او لوژستیکي مرکز د شمولیت هرکلی وکړ چې د ملګرو ملتونو د کډوالو عالي کمیشنرۍ له نړیوال اکمالاتي شبکې سره یوځای شوی، ترڅو افغانستان او نورو هېوادونو ته بشردوستانه مرستې ورسوي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/