گهیځ
کابل-ګهیځ نیوز(د لړم / عقرب ۲۴ مه نېټه)
د ګهیځ نیوز د خبر له مخې د اروپایي ټولنې د بهرني سیاست مسوږل جوزپ بورل اعلان کړی، چې اروپایي ټولنه به په فلسطین او لبنان کې د بشري حقونو د سرغړونو له امله له اسراییلو سره سیاسي او ډیپلوماتیکې خبرې ځنډوي.
تمه ده چې دا پرېکړه په رسمي ډول د راتلونکې اونۍ په پیل کې اعلان شي.
د تسنیم خبري آژانس د راپور له مخې، د اروپایي ټولنې د امنیتي چارو عالي کمېشنر د بشري حقونو نړیوالو سازمانونو ته په فلسطین کې د روان بشري ناورین په اړه مستند اسناد سپارلي.
دا اسناد به د اروپایي ټولنې په کچه د اسراییلو پر وړاندې د ډیپلوماتیکو اړیکو په خنډ کې مهم رول ولوبوي.
د عبراني رسنیو په وینا، د اسراییلو او اروپایي ټولنې ترمنځ اړیکې د غزې او لبنان د جګړو له امله ټیټې کچې ته رسېدلي او د اروپایي ټولنې لخوا د سیاسي خبرو بندول به د اړیکو په خرابولو کې لا ډېر اغېز ولري.
د اسراییلو د وروستیو بریدونو په پایله کې یوازې په غزه کې تر ۴۴ زره زیات فلسطینیان شهیدان شوي، څه باندې ۱۰۰ زره ټپیان او نږدې ۲ میلیونه وګړي بېکوره شوي دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/