گهیځ
کابل-ګهیځ نیوز( د حمل / وري ۳۱مه نېټه):
د ګهیځ نیوز د خبر له مخې CNN رسنۍ د امریکایي چارواکو له قوله خبر ورکړی، چې اسراییلو په یو شمېر ایراني سایټونو راکټي بریدونه کړي دي.
یادو امریکایي چارواکو ویلي، چې له دغو بریدونو څخه د اسراییلو هدف د ایران اټومي او غیر نظامي تأسیسات نه دي.
بلخوا ایراني مهر خبرې اژانس خبر ورکړی، چې د دې بریدونو له کبله ځینې پروازونه هم ځنډېدلي دي.
فارس خبري اژانس هم ویلي، چې د اصفهان په شمال غرب شکاري اردو پوځي اډه کې د دریو چاودنو غږونه اورېدل شوي دي.
د ABC نیوز هم خبر ورکړی، چې اسراییلو په عراق او سوریه کې هم په یو شمېر اهدافو بریدونه کړي دي.
اسراییلو دغه بریدونه د ایران د تېرې یکشنبې ورځې بریدونو په ځواب کې شوي، چې ایران له وړاندې د اسراییلو له لوري ځوابي برید په کولو د بیا سخت غبرګون ښودلو خبردارۍ ورکړی وو.
د ایران او اسراییلو ترمنځ وروسته له هغې ناندرۍ زیاتې شوې، چې اسراییلي لوري په سوریه کې د ایران قونسلګري په نښه کړه.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/