گهیځ
کابل-ګهیځ نیوز(د سرطان ۱۳ مه نېټه)
د ګهیځ نیوز د خبر له مخې اسراییلي اشغالګرو د غزې له خان یونس څخه چې د غزې یو پر درېیمه برخه فلسطینيان په کې اوسیږي، له خلکو څخه د سیمې د تخلیه کولو غوښتنه کړې.
په غزه کې چې د بې ځایه شویو کسانو شمېر لا دمخه دوه میلیونو ته رسېدلی، ملګرو ملتونو ویلي چې په دومره لویه کچه د خلکو وتل به یوازې د ملکي خلکو کړاوونه لا پسې ډېر کړي او بشري اړتیاوې به زیاتې کړي.
دا اعلان د اکټوبر اوومې د جګړې له پیل راهیسې له ملکي سیمو د وتلو تر ټولو لوی حکم دی.
د ملګرو ملتونو د عمومي منشي ویاند ویلي، چې خلک اوس له يوه ستونزمن او ناشوني انتخاب سره مخ دي؛ ځکه که له خپلو سيمو ووځي، نو د تلو لپاره مناسب ځای نه لري او که ونه وځي نو سختې جګړې به پرې تېرې شي.
د غزې روغتیا وزارت وايي، چې تر دا دمه د اسراییلي اشغالګرو د بریدونو له امله نږدې ۳۸ زره بې دفاع ولسي وګړي وژل شوي دي.
غزه چې ۲،۳ میلیونه نفوس لري، لا هم د اشغالګرو اسراییلي ځواکونو له لوري تر بشپړې محاصرې لاندې ده.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/