گهیځ
ګهیځ: نن سې شنبه ( د لیندۍ ۲۳مه) حکومت د اقتصادي وضعیت د کنټرول لپاره ځانګړې کمېټه ګومارلې ده.
د راپورونو له مخې تېره ورځ د وزیرانو شورا په غونډه کې د رییس الوزراء د اقتصادي مرستیال په مشرۍ یوې کمېټې ته دنده سپارل شوې چې په هېواد کې د افغانۍ د ثبات لپاره هڅه وکړي او ټول هغه لاملونه پیدا کړي چې د روان اقتصادي وضعیت او افغانۍ د بې ثباتۍ سبب ګرځېدلې.
کابینې همدا راز د ډالرو پر قاچاق بندیز لګولی دی او یادې کمېټې ته یې ویلې چې په دې اړه شته مافیايي کړۍ مشخصې کړي او د قانون منګولو ته یې وسپاري.
کابینه داسې مهال د افغانیو د ثبات ساتلو په موخه ګام پورته کوي چې د ډالر پر وړاندې د افغانۍ ارزښت په بې مخینې توګه راټيټ شوی دی او خلکو ته یې پراخې ستونزې جوړې کړې دي.
