گهیځ
کابل-ګهیځ نیوز(د سرطان ۱۶ مه نېټه)
د ګهیځ نیوز د خبر له مخې د صنعت او سوداګرۍ سرپرست وزیر او مل پلاوي د ازبکستان د کانونو او جیولوژۍ له وزیر اسلاموف بوبیر فرخادویچ سره کتلي.
د خبر پربنسټ، د صنعت او سوداګرۍ وزارت ویلي، چې په دې کتنه کې د ازبکستان د کانونو وزیر، د کانونو په بېلابېلو برخو کې د دواړو هېوادونو ترمنځ پر نږدې همکاریو ټینګار کړی او د دواړو هېوادونو ترمنځ یې د پانګونې د ملاتړ هوکړه لیک د لاسلیک کولو غوښتنه کړې ده.
هغه دغه راز په ازبکستان کې د مِسو د پروسېس په برخه کې د دوو لویو فابریکو د جوړېدو په اړه خبرې کړې او ویلي یې دي، چې دغه فابریکې خامو موادو ته سخته اړتیا لري، څو د افغانستان د مِسو په استخراج سره دغه اړتیا پوره شي.
همدارنګه د صنعت او سوداګرۍ سرپرست وزیر نورالدین عزیزي وړاندیز کړی، چې د افغانستان په شمال کې د تېلو، ګازو او دغه راز د غزني او هرات د مِسو په کانونو او د کاني موادو د پروسېس فابریکو د جوړولو په برخه کې پانګونه وکړي.
یاده کتنه کې دغه راز پرېکړه شوې چې د هېواد د کانونو او پټرولیم وزارت په همغږۍ به د ازبکستان یو رسمي پلاوی د سروې او تخنیکي کارونو لپاره افغانستان ته سفر وکړي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/