گهیځ
کابل-ګهیځ نیوز( د قوس/ لیندۍ ۱۱ نېټه):
د رسنیو د راپورونو له مخې د افغانستان د اوسپنې پټلۍ ادارې رییس له خپل مل پلاوي سره د ترکمنستان په عشق اباد کې د یاد هېواد د اوسپنې پټلۍ ادارې له رییس عطاء مرادوف سره کتلي دي.
د راپورونو پر بنسټ، په دې کتنه کې پرېکړه شوې، چې روان ډسمبر مياشت کې به د ترکمنستان ټيم د اندخوی – شبرغان او تورغونډۍ – هرات لارې له افغان تخنیکي ټیم سره یوځای وګوري او د جوړولو لپاره به یې یوه طرحه چمتو کړي.
د افغانستان د اوسپنې پټلۍ ادارې رییس ویلي، چې د افغانستان او ترکمنستان ترمنځ د اوسپنې پټلۍ له لارې د انتقالاتو زیاتوالی د دواړه هېوادونو لپاره ګټه لري او اړینه ده، چې د تورغونډۍ او آقینې بندرونو کې وړاندې کېدونکي خدمتونه ډېر او لا معیاري شي.
په دې کتنه کې دغه راز ترکمنستاني لوري د اوسپنې پټلۍ برخه کې د افغان محصلینو د روزنې لپاره چمتووالی ښودلی او ویلي یې دي، چې ډېر ژر به یې وخت او شمېر له افغان لوري سره شریک کړي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/