گهیځ
کابل-ګهیځ نیوز(د زمری/اسد ۱۰ مه نېټه)
د ګهیځ نیوز د خبر له مخې د ټولګټو چارو وزارت ویلي، چې د دې وزارت د اوسپنې پټلۍ مرستیال د ترکمنستان هېواد د اوسپنې پټلۍ ادارې له رییس آزاد اتامرادوف او مل پلاوي سره په کابل کې کتلي.
د خبر پر بنسټ، په دې لیدنه کې د دوه اړخيزو ريلي همکاريو د لا پراختيا په موخه بحث شوی او د تورغونډۍ سټېشن د پراخوالي ترڅنګ د تورغونډۍ – هرات اوسپنیزې کرښې د امتداد، چې لومړۍ برخه یې تر صنوبره پورې ۲۲ کیلومتره اوږد والی لري، خبرې شوي دي.
د ترکمنستان هېواد پلاوي د ناستې پرمهال افغانستان کې د اوسپنیزې کرښې په برخه کې پانګونې ته لېوالتیا ښودلې او د تورغونډۍ سټېشن د پراختيا او د تورغونډۍ – هرات لومړۍ برخې ۲۲ کیلومتره اوسپنیزې کرښې د ساختمان او رغونې په برخه کې یې پانګونې ته چمتووالی ښودلی.
د نوموړي په خبره خپل لګښت به د کرښې له فعالیدو وروسته له لاسته راغلو عوايدو څخه بېرته ترلاسه کړي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/