گهیځ
کابل-ګهیځ نیوز( د حوت/کب ۹ مه نېټه):
د نړیوالو رسنیو د خبر له مخې د ایټالیا په سویلي سمندر کې د یوې کښتۍ د ډوبېدو له امله چې ۲۵۰ تنه په کې سپارۀ وو، د نورو کسانو ترڅنګ په کې ۸۰ تنو افغانانو هم ژوند بایللی.
د سرپرست افغان حکومت د بهرنیو چارو وزارت د یوې خبرپاڼې په خبرولو سره په دغې پېښې ژوره خواشیني ښودلې ده.
وزارت دغه خبرپاڼه کې مړو شویو ته د مغفرت او کورنیو ته د جمیل صبر غوښتلو ترڅنګ له ټولو افغانانو یو ځل بیا غوښتي، چې بهرنیو هېوادونو ته د قاچاقي، ناقانونه او ناسمو لارو له لاري د تګ_راتګ څخه ډډه وکړي.
دغه راز د بهرنیو چارو وزارت په خېریه بنسټونو او په ځانګړي توګه د سره صلیب پر نړیوالې ادارې غږ کړی، چې د ډوبو شویو افغانانو د جسدونو په پیدا کولو او نقلولو کې د انساني مکلفیت له مخې خپل مسووليتونه تر سره کړي.
دې وروستیو کې د بې روزګارۍ او فقر له امله ګڼ شمېر افغانانو بهرنیو هېوادونو ته په ناقانونه توګه کډوالۍ ته مخه کړې ده.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/