گهیځ
کابل-ګهیځ نیوز( د حوت/کب ۷ مه نېټه):
ایکسپرېس ټریبیون ورځپاڼې د باخبرو سرچینو په حواله راپور ورکړی چې افغان حکومت پاکستاني پلاوي ته وړاندیز کړی، چې که اسلام آباد مصارف ومني، دوی به د تحریـ.ـک ط.البان پاکستان د غړو بې وسلې کولو برخه کې عملیات وکړي.
که څه هم افغان چارواکو ویلي، چې خپله خاوره کې هېڅ ډلې ته چې د نورو لپاره ګواښ وي، ځای نه ورکوي خو د دې ورځپاڼې د راپور له مخې دا موضوع د جمعې په ورځ د پاکستان د لومړي وزیر په ګډون یوه غونډه کې مطرح شو.
دغه ورځپاڼه وايي، چې د افغان حکومت دغه طرحه جمعه په ورځ د پاکستان د لومړي وزير شهباز شريف په حضور کې د پاکستان د عالي کمېټې په غونډه کې وړاندې شوه.
د ایکسپرېس ټریبیون د راپور له مخې، افغان طالبانو د ختیځ ترکستان اسلامي غورځنګ په اړه د دغه هېواد د اندېښنو د حل لپاره چین ته هم ورته وړاندیز کړی و.
یاده ورځپاڼه په داسې حال کې دغه څرګندونې کړي چې پاکستان د سخت اقتصادي وضعیت له امله خپلو وزیرانو باندې معاشات بند کړي او تازه یې د بد اقتصادي وضعیت له امله یو شمېر سفارتونو د تړلو پرېکړه هم کړې ده.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/