گهیځ
کابل-ګهیځ نیوز(د لیندۍ / قوس لومړۍ نېټه)
د ګهیځ نیوز د خبر له مخې د تورخم کمیسار په مشرۍ افغان لوري له پاکستاني چارواکو سره د یو شمېر مهمو موضوعاتو د حل او همغږۍ په موخه ناسته کړې.
دغه ناسته کې د تورخم کمیسار ترڅنګ د تورخم ګمرک، ترانسپورټ، مهاجرینو او اطلاعات او کلتور ادارو استازو هم ګډون درلود.
یاده ناسته کې پرېکړه شوې، چې د مریضانو د تګ – راتګ محدودیتونه ختم شي او عامو خلکو ته په بندر کې د اسانتیاوو د برابرولو هڅې باید زیاتې شي.
دغه راز سوداګرو ته د سوداګریزو فعالیتونو د اسانتیاوو رامنځته کول او کاریګرو ته ځانګړي وخت کې د کار زمینه برابرول د ناستې مهمې برخې وې.
د دې ترڅنګ د لویو باربري موټرو لپاره د TAD کارت تطبیق، د واده ناوې او مړو وارثینو ته د عاجل تګ – راتګ ځانګړې ویزې یا بل سیستم جوړولو په اړه خبرې شوي.
د دې سربېره د مسافرو لپاره د فرضي کرښې د تېرېدو د ستونزو په حل هم ټینګار شوی، څو مسافر پر وخت خپل سفر بشپړ کړي او د ځنډ ستونزې ورسره مخ نه شي.
د مسوولینو په وینا دواړو لوریو د یادو موضوعاتو د حل لپاره پر ګډو همکاریو ټینګار وکړ او ژمنه یې وکړه، چې د تورخم بندر د چارو د ښه والي لپاره به کار کوي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/