گهیځ
کابل-ګهیځ نیوز(د زمری/اسد ۲۷ مه نېټه)
د ګهیځ نیوز د خبر له مخې اقتصاد وزارت ویلي، چې افغانستان اوس مهال د اوسپنې تولید په برخه کې پر ځان بسیا شوی او دې ته اړتیا نشته، چې نور له سیمې او نړۍ څخه افغانستان ته اوسپنیز توکي راوارېد شي.
د څرخي پله په صنعتي پارک کې د اوسپنې تولید د یو شمېر کارخونو مسوولین وايي، د اوسپنيزو توکو تولید په برخه کې یې د کورني بازار اړتیاوې پوره کړي او په نږدې راتلونکي کې به ترکمنستان هېواد ته د ګول سیخ صادرات پيل کړي.
په ورته وخت کې د افغانستان د اوسپنې ویلي کېدو ټولنه وايي، د سرپرست حکومت په واکمنېدو سره د اوسپنې سکټور ته زیاتې اسانتیاوې برابرې شوي او په لویو پروژو کې له کورنیو تولیداتو ګټه اخیستنه زیاته شوې ده.
د افغانستان د اوسپنې ویلي کېدو ټولنې د معلوماتو له مخې اوسمهال د ټول هېواد په کچه ۴۳ د اوسپنې تولید کارخونې فعالیت کوي، چې نږدې ۵۰ زره کسان په کې په مستقیم او غیر مستقیم ډول په کار بوخت دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/