گهیځ
کابل-ګهیځ نیوز(د کب/ حوت ۱۹ مه نېټه)
د ګهیځ نیوز د خبر له مخې د امریکا بهرنیو چارو وزارت خپلو وګړو ته خبرداری ورکړی، چې په پاکستان کې د ترهګریزو بریدونو او وسلوالو نښتو د زیاتېدو له امله دغه هېواد ته د سفر کولو پرېکړه له سره وارزوي.
په تازه خپره شوې خبرپاڼه کې ویل شوي، چې خېبر پښتونخوا، بلوچستان او د پاکستان او هند ترمنځ پولې ته نږدې سیمې له جدي امنیتي ګواښونو سره مخ دي او هر مهال په کې د وسلوالو بریدونو امکان شته.
خبرپاڼه زیاتوي، چې امریکايي ډیپلوماټان او دیپلوماتیکې سیمې له دې وړاندې هم د بریدونو هدف ګرځېدلې وې او اوس هم په عامه ځایونو، موټرو او حتیٰ حکومتي ودانیو د برید خطر موجود دی.
د امریکا دولت خپلو اتباعو ته سپارښتنه کړې، چې له سفر وړاندې د امنیتي حالت ارزونه وکړي، غیر ضروري سفرونه محدود کړي او د هر ډول اضطراري وضعیت لپاره له سفارت سره اړیکه وساتي.
دا خبرداری داسې مهال ورکړل شوی، چې په پاکستان کې امنیتي حالات ورځ تر بلې ترینګلي کیږي او د بریدونو ډېرښت خلکو ته اندېښنې پیدا کړې دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/