گهیځ
کابل-ګهیځ نیوز(د کب/ حوت ۱۱ مه نېټه)
د ګهیځ نیوز د خبر له مخې رویټرز خبري آژانس د امریکا د دفاع وزارت له قوله راپور ورکړی، چې امریکا د ۳ میلیارده ډالرو په ارزښت په اسراییلو د نویو بمونو، چاودېدونکو توکو او نورو پوځي تجهیزاتو پلور تایید کړي دي.
د امریکا دفاع وزارت ویلي، د دې تجهیزاتو سپارل به له ۲۰۲۶ کال څخه پیل شي، خو ځینې وسلې ممکن له امریکايي زېرمو په سمدستي ډول چمتو او ژر اسراییلو ته واستول شي.
دا په روانه میاشت کې دوهم ځل دی، چې امریکا د وسلو لویه محموله اسراییل ته لیږي، په داسې حال کې چې صهیونیستي رژیم له دې وسلو د ملکي وګړو، چې ډېری یې ښځې او ماشومان دي، د وژلو لپاره کار اخلي.
شنونکي وايي، امریکا د خپلو وسلو کارخونې پیاوړې کوي او په همدې موخه هڅه کوي، چې یو شمېر هېوادونو کې د جګړو ډګر تود وساتي.
د نړیوالو اړیکو د کارپوهانو په باور د امریکا لخوا په اسراییلي اشغالګرو د وسلو دا پلور په داسې حال کې دی، چې دوی په نړیواله کچه د بشري حقونو د تامین ادعاوې هم کوي
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/