گهیځ
کابل-ګهیځ نیوز( د دلو/سلواغه ۸ مه نېټه):
امریکايي چارواکي وايي، د سومالیا د شمال په یوه لرې پرته غرنۍ سیمه کې د امریکا د ځانګړو ځواکونو په برید کې د داعش یو جګپوړي مشر بلال السوداني په ګډون یې د دغې ډلې لس تنه وژلي دي.
د امریکا د دفاع وزیر لوید اسټن ویلي، چې بلال السودانی په افریقا کې د داعش د مخ په زیاتیدونکي حضور د تقویه کولو مسوول و.
اسټن زیاته کړې، هغه په نړیواله کچه د دې ډلې فعالیتونه هم تمویل کړل.
دا برید وروسته له هغې وشو، چې د امریکا ولسمشر بایډن دغه هېواد ته سلګونه امریکايي پوځیان ولېږل، چې د هغه مخکني ولسمشر ډونالډ ټرمپ له سومالیا څخه وېستلي وو.
تر اوسه داعش ډلې د خپلو دغو غړو د وژنې تایید نه دی کړی.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې لۀ خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/