ایران کې د افغان کډوالو پر وړاندې محدودیتونه سخت شوي

کابل-ګهیځ نیوز(د کب/ حوت ۲۱ مه نېټه)

د ګهیځ نیوز د خبر له مخې د ایران د کورنیو چارو وزارت اعلان کړی، چې د ۱۴۰۴ لمریز کال د وري له لومړۍ نېټې وروسته به هغه افغان کډوال چې قانوني اسناد نه لري، له روغتیایي، ښوونیزو او مدني خدماتو بې‌ برخې کړي.

د ایران د اتباعو چارو عمومي مدیر نادر یار احمدي ویلي، هغه کډوال چې د سرشمېرنې اسناد لري، باید له دولتي ادارو سره همکاري وکړي، څو خپل حضور قانوني کړي.

د ایران دولت د کډوالو لپاره مشخص شرایط وړاندې کړي، لکه د سرشمېرنې پاڼې، د کډوالۍ کارتونه یا د پاسپورټ وېزې تمدید.

په ورته وخت کې افغان کډوال په پاکستان او ترکیه کې هم له ورته ستونزو سره مخ دي.

د کډوالو وزارت د معلوماتو له مخې، یوازې په تېرو ۱۱ میاشتو کې ۲۸۰ زره افغانان، د ۶۲ زره کورنیو په شمول افغانستان ته راستانه شوي، چې تر ډېره یې له ایران او پاکستانه راغلي دي.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/